ಉಜಿರೆಯ “ಅಖಿಲ ಎಂ. ಪಿ ಗೆ” ಕೆ-ಸೆಟ್ ನಲ್ಲಿ ಮೊದಲ ರ‍್ಯಾಂಕ್

Dhwani News
November 22, 2025

ಉಜಿರೆ : ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು 2025ರ ನವೆಂಬರ್ 2ರಂದು ನಡೆಸಿದ ಕರ್ನಾಟಕ ರಾಜ್ಯ ಅರ್ಹತಾ ಪರೀಕ್ಷೆಯ ಫಲಿತಾಂಶವನ್ನು ನವೆಂಬರ್ 21 ರಂದು ಪ್ರಕಟಿಸಿದೆ. ಈ ಪರೀಕ್ಷೆಯಲ್ಲಿ ಶ್ರೀಮತಿ ಅಖಿಲ ಎಂ. ಪಿ ಇವರು ಅರ್ಹತೆ ಪಡೆಯುವುದರೊಂದಿಗೆ ರಾಜ್ಯಕ್ಕೆ ಮೊದಲನೇ ರ‍್ಯಾಂಕ್ ಪಡೆದಿದ್ದಾರೆ.

ಶ್ರೀಮತಿ ಅಖಿಲ ಎಂ. ಪಿ ಇವರು ಮೂಲತಃ ಉಜಿರೆಯ ನಿವಾಸಿಯಾಗಿರುವ ಪರಮೇಶ್ವರ ಎಮ್ ಮತ್ತು ವಸಂತಿ ದಂಪತಿಗಳ ಪುತ್ರಿ, ಹಾಗೂ ಶಿವಪ್ರಸಾದ್ ಸಿ ಎಸ್ ಇವರ ಪತ್ನಿ. ಇವರು ಪ್ರಸ್ತುತ ಉಜಿರೆಯ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಶಿಕ್ಷಣ ಮಹಾವಿದ್ಯಾಲಯದಲ್ಲಿ ದ್ವಿತೀಯ ವರ್ಷದ ಬಿ.ಇಡಿ ವ್ಯಾಸಂಗ ಮಾಡುತ್ತಿದ್ದಾರೆ.