ಉಪ್ಪಿನಂಗಡಿ, ಡಿ. 03 : ಅಪ್ರಾಪ್ತ ಬಾಲಕಿಯನ್ನು ಹಿಂಬಾಲಿಸಿಕೊಂಡು ಬಂದು, ಆಕೆಯನ್ನು ಮನೆಗೆ ಕರೆದ ಆರೋಪದಲ್ಲಿ ಓರ್ವನನ್ನು ಉಪ್ಪಿನಂಗಡಿ ಪೊಲೀಸರು ಬಂಧಿಸಿದ್ದಾರೆ. ಮಹಮ್ಮದ್ ಮುಸ್ತಫಾ(40)ಬಂಧಿತ ಆರೋಪಿ ಎಂದು ಗುರುತಿಸಲಾಗಿದೆ.
Advertisement
ಅಪ್ತಾಪ್ತ ಬಾಲಕಿಯನ್ನು ಕಳೆದ ಹಲವು ಸಮಯಗಳಿಂದ ಹಿಂಬಾಲಿಸಿಕೊಂಡು ಬರುತ್ತಿದ್ದ ಎನ್ನಲಾಗಿದೆ. ಉಪ್ಪಿನಂಗಡಿ ಬಸ್ ನಿಲ್ದಾಣದಿಂದಲೇ ಹಿಂಬಾಲಿಸುತ್ತಿದ್ದ ಆರೋಪಿಯು ನ.29ರಂದು ಆಕೆಯನ್ನು ಆತನ ಮನೆಗೆ ಕರೆದಿದ್ದಾನೆ ಎಂದು ದೂರಲಾಗಿದೆ. ಈ ಬಗ್ಗೆ ಬಾಲಕಿಯು ತನ್ನ ಅಣ್ಣನ ಜೊತೆ ವಿಚಾರ ತಿಳಿಸಿದ್ದು, ಅಣ್ಣ ನೀಡಿದ ದೂರಿನಂತೆ ಪ್ರಕರಣ ದಾಖಲಿಸಿಕೊಂಡು ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ.
Advertisement
