ಟಿ20 ವಿಶ್ವಕಪ್ : ಪಾಕಿಸ್ತಾನಕ್ಕೆ ಭಾರತದೆದುರು ಹೀನಾಯ ಸೋಲು – ಟಿವಿ ಪುಡಿ ಮಾಡಿದ ಪಾಕ್ ಅಭಿಮಾನಿ !

Dhwani News
February 16, 2026

ಕೊಲೊಂಬೊ, ಫೆ. 16 : ಟಿ20 ವಿಶ್ವಕಪ್ 2026ರ ಹೈವೋಲ್ವೇಜ್ ಪಂದ್ಯದಲ್ಲಿ ಭಾರತದ ವಿರುದ್ಧ ಪಾಕಿಸ್ತಾನ ಹೀನಾಯವಾಗಿ ಸೋತ ಬೆನ್ನಲ್ಲೇ, ಆಘಾತಕ್ಕೊಳಗಾದ ಪಾಕಿಸ್ತಾನಿ ಅಭಿಮಾನಿಯೊಬ್ಬರು ತಮ್ಮ ಮನೆಯ ಟಿವಿಯನ್ನು ಒಡೆದು ಹಾಕಿದ ಘಟನೆ ನಡೆದಿದೆ.

ಭಾನುವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಭಾರತ ತಂಡ ಇಶಾನ್ ಕಿಶನ್ 77 ರನ್ ಗಳ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ 175 ರನ್ ಗಳಿಸಿತು. ಗುರಿ ಬೆನ್ನಟ್ಟಿದ ಪಾಕಿಸ್ತಾನ ಕೇವಲ 114 ರನ್ ಗಳಿಗೆ ಆಲೌಟ್ ಆಗುವ ಮೂಲಕ 61 ರನ್‌ಗಳ ಹೀನಾಯ ಸೋಲು ಅನುಭವಿಸಿತು.

ಸತತವಾಗಿ ಭಾರತದ ಎದುರು ಸೋಲುತ್ತಿರುವುದನ್ನು ಸಹಿಸದ ಪಾಕಿಸ್ತಾನಿ ಅಭಿಮಾನಿಯೊಬ್ಬ ಹತಾಶೆಯಿಂದ ತಮ್ಮ ಟಿವಿಯನ್ನು ನೆಲಕ್ಕೆ ಹಾಕಿ ಪುಡಿಪುಡಿ ಮಾಡಿದ್ದಾರೆ. ಈ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗುತ್ತಿದೆ. “ಭಾರತ ಮತ್ತೆ ನಮ್ಮನ್ನು ಸೋಲಿಸಿದೆ, ಹತಾಶೆಯಿಂದ ನಾನು ನನ್ನ ಟಿವಿಯನ್ನು ಒಡೆದುಹಾಕಿದ್ದಾನ. ತುಂಬಾ ಅವಮಾನವಾಗಿದೆ” ಎಂದು ಪಾಕ್ ಕ್ರಿಕೆಟ್ ಅಭಿಮಾನಿಯೊಬ್ಬ ವಿಡಿಯೋ ಹಂಚಿಕೊಂಡಿದ್ದಾನೆ.