ಉಜಿರೆ : ರಸ್ತೆ ಮಧ್ಯೆ ಇದ್ದ ಕೇಬಲ್ ವಯರ್ ಸಿಲುಕಿ ಬೈಕ್, ಆಟೋ ರಿಕ್ಷಾ ಪಲ್ಟಿ – ಆಟೋ ಚಾಲಕನಿಗೆ ಗಂಭೀರ

Dhwani News
April 4, 2026

ಉಜಿರೆ, ಏ. 04 : ರಸ್ತೆ ಮಧ್ಯದಲ್ಲಿದ್ದ ಕೇಬಲ್ ವೈಯರ್ ಸಿಲುಕಿ ಬೈಕ್ ಸವಾರ ಹಾಗೂ ಆಟೋರಿಕ್ಷಾವೊಂದು ಅಪಘಾತಕ್ಕೀಡಾದ ಘಟನೆ ಅನುಗ್ರಹ ಕಾಲೇಜ್ ಬಳಿ ನಡೆದಿದೆ.

ರಸ್ತೆ ಮಧ್ಯದಲ್ಲಿ ಬಿದ್ದಿದ್ದ ಕೇಬಲ್ ವೈಯರ್ ಅನ್ನು ಏಕಾಏಕಿ ಮೇಲಕ್ಕೆತ್ತಿದ ವೇಳೆ ಬೈಕ್ ಸವಾರನ ಕುತ್ತಿಗೆಗೆ ಸಿಲುಕಿದ ಪರಿಣಾಮ ಸವಾರ ಪಲ್ಟಿಯಾಗಿ ಬಿದ್ದು ಸಣ್ಣ ಪುಟ್ಟ ಗಾಯಗಳೊಂದಿಗೆ ಪಾರಾಗಿದ್ದಾರೆ. ಇನ್ನು, ಆಟೋರಿಕ್ಷಾ ಪಲ್ಟಿಯಾಗಿ ಆಟೋ ಚಾಲಕ ಗಂಭೀರ ಗಾಯಗೊಂಡಿದ್ದಾರೆ.

ಟ್ರಾಫಿಕ್ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ. ಹೆಚ್ಚಿನ ಮಾಹಿತಿ ಇನ್ನಷ್ಟೇ ತಿಳಿದು ಬರಬೇಕಿದೆ.