ಇಸ್ಲಾಮಾಬಾದ್, ಮೇ 21 : 2019ರಲ್ಲಿ ನಡೆದ ಪುಲ್ವಾಮಾ ದಾಳಿಯ ಪ್ರಮುಖ ಮಾಸ್ಟರ್ ಮೈಂಡ್ ಹಮ್ಜಾ ಬುರ್ಹಾನ್ (Hamza Burhan) ನನ್ನು ಹತ್ಯೆ ಮಾಡಲಾಗಿದೆ ಎಂದು ವರದಿಯಾಗಿದೆ. ಪಿಒಕೆ ಭಾಗದಲ್ಲಿ ಹಮ್ಜಾ ಬುರ್ಹಾನ್ ನನ್ನು ಅಪರಿಚಿತ ವ್ಯಕ್ತಿಗಳು ಹತ್ಯೆ ಮಾಡಿದ್ದಾರೆ ಎಂದು ವರದಿಯಾಗಿದೆ.
40ಕ್ಕೂ ಹೆಚ್ಚು ಸಿಆರ್ಪಿಎಫ್ ಸಿಬ್ಬಂದಿಯನ್ನು ಬಲಿ ತೆಗೆದುಕೊಂಡ 2019ರ ಪುಲ್ವಾಮಾ ದಾಳಿಯ ಮಾಸ್ಟರ್ ಮೈಂಡ್ಗಳಲ್ಲಿ ಹಮ್ಮಾ ಬುರ್ಹಾನ್ ಒಬ್ಬನಾಗಿದ್ದ. ಈತನನ್ನು ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದ (ಪಿಒಕೆ) ಮುಜಫರಾಬಾದ್ನಲ್ಲಿ ಅಪರಿಚಿತ ಬಂದೂಕುಧಾರಿಗಳು ಹತ್ಯೆ ಮಾಡಿದ್ದಾರೆ.
‘ಡಾಕ್ಟರ್’ ಎಂದೇ ಕರೆಯಲ್ಪಡುವ ಹಮ್ಜಾ ಬುರ್ಹಾನ್, ಮುಜಫರಾಬಾದ್ ನಲ್ಲಿ ನಡೆದ ದಾಳಿಯ ನಂತರ ಹಲವಾರು ಗುಂಡುಗಳಿಂದ ಗಾಯಗೊಂಡಿದ್ದ. ಪುಲ್ವಾಮಾ ನಿವಾಸಿಯಾದ ಬುರ್ಹಾನ್ ನ ನಿಜವಾದ ಹೆಸರು ಅರ್ಜುಮಂದ್ ಗುಲ್ವಾರ್ ದಾರ್. 2022 ರಲ್ಲಿ ಕೇಂದ್ರ ಗೃಹ ಸಚಿವಾಲಯವು ಈತನನ್ನು ಭಯೋತ್ಪಾದಕ ಎಂದು ಹೆಸರಿಸಿತು.
ಪುಲ್ವಾಮಾದ ರತ್ನಪೋರಾ ಪ್ರದೇಶದ ಖಾರ್ಬಡೋರಾದಲ್ಲಿ ಜನಿಸಿದ ಬುರ್ಹಾನ್, ಉನ್ನತ ಶಿಕ್ಷಣ ಪಡೆಯುವ ನೆಪದಲ್ಲಿ 2017 ರಲ್ಲಿ ಪಾಕಿಸ್ತಾನಕ್ಕೆ ತೆರಳಿದ್ದ. ಆದಾಗ್ಯೂ, ಅಲ್ಲಿ ನಿಷೇಧಿತ ಭಯೋತ್ಪಾದಕ ಸಂಘಟನೆ ಅಲ್-ಬದರ್ಗೆ ಸೇರಿಕೊಂಡ ಮತ್ತು ಶೀಘ್ರದಲ್ಲೇ ಆ ಸಂಘಟನೆಯಲ್ಲಿ ಕಮಾಂಡರ್ ಹುದ್ದೆಗೆ ಏರಿದರು.
ನಂತರ ಅವರು ಕಾಶ್ಮೀರಕ್ಕೆ ಮರಳಿದ ಬುರ್ಹಾನ್, ಯುವಕರನ್ನು ಮೂಲಭೂತವಾದಿಗಳನ್ನಾಗಿ ಮಾಡುವ ಮತ್ತು ಅವರನ್ನು ಬೋಧನೆ ಮಾಡುವಲ್ಲಿ ತೊಡಗಿಸಿಕೊಂಡರು. ದಕ್ಷಿಣ ಕಾಶ್ಮೀರದಲ್ಲಿ, ಬುರ್ಹಾನ್ ಪುಲ್ವಾಮಾದಿಂದ ಶೋಪಿಯಾನ್ಗೆ ತನ್ನ ಜಾಲವನ್ನು ವಿಸ್ತರಿಸಿದ್ದ.
ಪುಲ್ವಾಮಾ ಘಟನೆಯು ಭಾರತದಲ್ಲಿ ಭದ್ರತಾ ಸಿಬ್ಬಂದಿ ಮೇಲೆ ಜೈಶ್-ಎ-ಮುಹಮ್ಮದ್ (ಜೆಇಎಂ) ನಡೆಸಿದ ಅತ್ಯಂತ ಮಾರಕ ದಾಳಿಯಾಗಿದೆ. ಫೆಬ್ರವರಿ 14, 2019 ರಂದು, ಜೆಇಎಂ ಭಯೋತ್ಪಾದಕನೊಬ್ಬ ಲೆಥ್ಪೋರಾದಲ್ಲಿ ಸಿಆರ್ಪಿಎಫ್ ಬೆಂಗಾವಲು ಪಡೆಯ ಮೇಲೆ ಸ್ಫೋಟಕಗಳಿಂದ ತುಂಬಿದ ಕಾರನ್ನು ಡಿಕ್ಕಿ ಹೊಡೆದು 40 ಸಿಬ್ಬಂದಿ ಸಾವನ್ನಪ್ಪಿದ್ದರು.
