ನವದೆಹಲಿ : ಸುಪ್ರೀಂಕೋರ್ಟ್ ಜಡ್ಜ್ ರಂತೆ ನಟಿಸಿ, ಜಾಮೀನು ಪಡೆಯಲು ಯತ್ನ – ವಂಚಕ ಸುಕೇಶ್ ಗೆ 8 ವರ್ಷಗಳ ಕಠಿನ ಶಿಕ್ಷೆ

Dhwani News
September 1, 2026

ನವದೆಹಲಿ, ಸೆ. 1 : ಸುಪ್ರೀಂಕೋರ್ಟ್ ನ್ಯಾಯಮೂರ್ತಿಯಂತೆ ನಟಿಸಿ, ಜಾಮೀನು ಪಡೆಯಲು ಯತ್ನಿಸಿದ ಪ್ರಕರಣದಡಿ ವಂಚಕ ಸುಕೇಶ್ ಚಂದ್ರಶೇಖರ್‌ಗೆ 8 ವರ್ಷಗಳ ಕಠಿನ ಶಿಕ್ಷೆ ವಿಧಿಸಿ ದೆಹಲಿ ಕೋರ್ಟ್ ಸೋಮವಾರ ತೀರ್ಪು ನೀಡಿದೆ.

2017ರ ಏ. 28ರಂದು ಸುಕೇಶ್ ನ್ಯಾಯಾಂಗ ಅಧಿಕಾರಿ ಪೂನಂ ಚೌಧರಿ ಅವರಿಗೆ ಹಲವು ಬಾರಿ ಕರೆ ಮಾಡಿ, ಸುಪ್ರೀಂಕೋರ್ಟ್ ನ್ಯಾಯಮೂರ್ತಿಯಂತೆ ಮಾತನಾಡಿದ್ದರು.

ಈ ಅಪರಾಧಕ್ಕಾಗಿ 3 ಸೆಕ್ಷನ್‌ಗಳಡಿ 8 ವರ್ಷ ಜೈಲು ಹಾಗೂ 10,000 ರೂ. ದಂಡವನ್ನೂ ವಿಧಿಸಲಾಗಿದೆ. ಜತೆಗೆ, ಇದು ಸಾಂಸ್ಥಿಕ ಅಪಚಾರ ಎಂದೂ ಬಣ್ಣಿಸಿದೆ.